تبلیغات
خانووچکه‌ی شێعر

خانووچکه‌ی شێعر
لای من هه‌نیسک رازاوه‌ترین شێعره‌ بۆ ده‌ربڕینی ئازار " ئاژوان " 
قالبی ماڵپه‌ڕ

 

 

 به‌ختم ڕه‌نگی ڕه‌ژی گرتووه‌

 له‌سه‌ر دیاری کولمم

 لافاو شه‌پۆل ده‌کا و

 ئاسمانی خه‌یاڵاتم ته‌م و مژه‌

 پلستگروکان وه‌رزی کۆچیان دابین نه‌کراوه‌ و

 چوار وه‌رزی ساڵ هه‌ر کۆچ

 نێوان دڵه‌کان مه‌ودا زۆره‌ و

 سنوور پێش به‌ ده‌ست تێکگرتن ده‌گرێ

 کوا؟! هاوڕێی من کوا؟

 هه‌تا بێتوو به‌یه‌که‌وه‌

 مه‌ودا و سنوور بشکێنین

 دڕووی ناو گوڵه‌کان

 هه‌ڵکه‌نین و بژار بکه‌ین

 که‌ی دێته‌ دی خه‌ونم

 که‌ی دێ له‌م جیهانه‌

 مژۆڵی ئاوات بگات به‌ ئاسۆ

 که‌ی دێ ئه‌مڕۆژه‌ که‌

 چاوه‌روانی کۆتایی بێت

 بۆ دیتنی گزینگ

 ئه‌ی داهێنه‌ری ژیان

 له‌سه‌ر ئه‌ژنۆ

 ڕوو له‌ ڕووگه‌

 داواکاریه‌کم هه‌یه‌ لێت

 هه‌روه‌ک چیرۆکی ئیبراهیم

 ئه‌م هینه‌ کوتکراوه‌ی ئێمه‌ش

 پێکه‌وه‌ بلکێنه‌




چه‌شنی بابه‌ت: شێعر،
[ 1389/11/16 ] [ 09:26 ] [ نادر خزریان " ئاژوان " ]
.: Weblog Themes By Pichak :.

پێناسه‌


بیر بکه‌نه‌وه‌ له‌ زه‌ریایه‌ک که‌وتوون به‌ ناوی دنیا ، له‌ سه‌ره‌تاوه‌ ده‌س ده‌که‌ن به‌ مه‌له‌ کردن و هه‌ر بیر له‌ نوقم بوون ناکه‌نه‌وه‌ تا ده‌گه‌نه‌ شوێنێک به‌ ناوی گێژ ( خه‌م ) ، ئێستا دوو رێگاتان هه‌یه‌ یان ئه‌وه‌ی له‌ گێژدا نوقم بن یان به‌رده‌وام بن له‌ مه‌له‌ کردن و گێژه‌که‌ تێپه‌ڕ بکه‌ن ، رێگای سێهه‌مێک نییه‌ واته‌ ناتوانن بگه‌ڕێنه‌وه‌ شوێنی ده‌سپێکی مه‌له‌ که‌واته‌ باشترین رێ مه‌له‌ کردنه‌ ئه‌رێ به‌رده‌وامی ژیان .
" ئاژوان "

چه‌شنی بابه‌ته‌کان
زۆرتر
ajwan